Тăван чĕлхепе çыхăннă  самантсем чуна çĕклеççĕ, мăнаçлăх туйăмĕ çуратаççĕ. Паян 5-мĕш класс ачисем «Çăлтăрчăк» вăййа хутшăнчĕç. Ачасен ваттисен сăмахĕсен пайĕсене, тупмалли юмахĕсен тупсăмĕсене, паллă пулăмсемпе  çынсем çинчен  тĕрĕс хуравсем пĕлмелле пулнă. Татьяна Максимова, Ева Петрова, Арсений Степанов, Роман Васильев, Анастасия Соловьева чăваш чĕлхи, халăхĕ çинчен аван пĕлни палăрчĕ. 5-мĕш класс ачисем И.Я.Яковлевăн халалĕпе паллашрĕç. Унăн халалĕ чăваш халăхĕшĕн пысăк тупра пулнине палăртрĕç.

   8-мĕш класс ачисем  Иван Яковлевич Яковлев çинчен кино курчĕç.  Ун хыççăн онлайн теста хутшăнса унăн пурнăçĕпе пултарулăхĕпе çыхăннă ыйтусем çине хуравларĕç. Даниил Саперов, Юлия Андреева, Виктория Шмелева, Артем Стратонов, Евгений Иванов, Яна Степанова И.Я.Яковлев çинчен лайăх пĕлни палăрчĕ.