Çĕршывăмăрăн кашни кĕтесĕнче тĕрлĕ илем конкурсĕсем йĕркелеççĕ. Шкул ачисем, хĕр-хĕрарăмсем чи чиперрин ятне çĕнсе илессишĕн кĕрешеççĕ. Ака уйăхĕн 30-мĕшĕнче пирĕн шкулта та «Чăваш пики» конкурс иртрĕ. Çак конкурса 2-6-мĕш класс хĕр пикесем хутшăнчĕç. Конкурса хаклакансем Иванова Мария Владимировна, Пархикасси Культура çурчĕн директорĕ, Щербакова Татьяна Владимировна, шкул библиотекрĕ, технологи учителĕ;Столярова Екатерина Рудольфовна, Пархикасси библиотека заведующийĕ пулчĕç.

Чи малтанах шкул пикисем хăйсенпе паллаштарчĕç. Чăваш кил-çуртне ĕмĕртенпех тĕрĕ илем кÿрсе тăнă. Паянхи конкурсра хĕрачасем тĕрĕ эрешĕсене ÿкерчĕç. Виççĕмĕш конкурсра  хĕр ачасем  И.Я.Яковлев пурнăçĕпе пултарулăхĕ çинчен хатĕрленĕ ыйтусем çине хуравларĕç. Тепĕр конкурс – «Çуллахи тум» мода кăтартасси пулчĕ. Кашни хĕр ача кĕвĕ çемипе илемлĕ утса илемлĕ çаврăнчĕç. Кашни çыннăн кукăль-çăмах пĕçерме хăйĕн вăрттăнлăх пур. Конкурса  хутшăннисем  çак вăрттăнлăхсемпе паллаштарчĕç.

Жюри «Чăваш пики» конкурса пĕтĕмлетсе çапла хакларĕ. «Чăваш пики» ята Кириллова Татьяна (2-мĕш класс), Алаева Дарина (6-мĕш класс) йышăнчĕç, «Чи илĕртÿллĕ пике» Якимова Кира (6-мĕш класс), «Чи маттур пике» Щербакова Ксения (6-мĕш класс), «Чи çепĕç пике» Матвеева Валерия (3- мĕш класс), «Чи ăслă пике» Максимова Татьяна ( 4-мĕш класс), « Чи хастар пике»  Васильева Ульяна (5-мĕш класс), «Чи пултаруллă пике» Соловьева Анастасия (4-мĕш класс), «Чи ĕçчен пике» Кольцова Ксения  (5-мĕш класс),  Маттур пикесене саламлатпăр!